5b tarix dərsi
Müəllimlik həmişə yenilik tələb edən sənətdir. Müasir təhsil sistemində müəllimlər biliklərin əldə edilməsi yolunda bələdçi rolunu oynayır. Şagirdlərin tarix fənninə daha böyük sevgi və həvəslə hazırlaşmaqları üçün tarix müəllimi Səbinə Məmmədova öz dərslərində xüsusi ilə əyləncəli metodlardan istifadə edir. Oyunlardan istifadə etməklə öyrətmək və oynayaraq öyrənmək o qədər də sadə məsələ deyil, amma dərs prosesi ilə əyləncəni birləşdirərək hər bir dərsdə əhval-ruhiyyə yaratmaqla onun unikallığını artırmaq olar. Buna görə də şagirdlərin biliklərinin ümumiləşdirilməsi və sistemləşdirilməsi formalarından biri kimi müxtəlif tədrisyönümlü oyunlardan istifadə olunması həmişə müsbət nəticə verir.
