Şagirdlərimiz rayon inşa müsabiqəsinin qalibləri sırasındadır
Nərimanov rayon Gənclər və İdman İdarəsinin Ulu Öndər Heydər Əliyevin anım günü ilə əlaqədar keçirdiyi “Heydər Əliyev və Azərbaycan” adlı inşa müsabiqəsində liseyin 9b sinif şagirdləri Rzayev Yusif və Məmmədov Raul da öz inşa yazıları ilə iştirak etmişlər. Şagirdlərimiz Ümummilli lider Heydər Əliyevin həyat və fəaliyyətinə, Azərbaycan xalqı qarşısındakı əvəzsiz xidmətlərinə öz inşa yazılarında xüsusi yer ayırmış, dolğun və məzmunu tam əhatə edən yazı ilə müsabiqədə fərqlənmişlər. Rzayev Yusif III yerin qalibi olmuş, Məmmədov Raul isə Fəxri Fərmanla təltif edilmişdir. Mükafatları Nərimanov rayon Gənclər və İdman İdarəsinin rəisi Nəcəf Novruzov təqdim edərək qalibləri təbrik etmiş və onlara gələcəkdə uğurlar arzulamışdır.
Biz də şagirdlərimizi təbrik edirik və yeni-yeni nailiyyətlər arzulayırıq.
