Növbəti seminar
06.11.21 tarixində liseyin Kiçik Akademiyasının 2-ci seminarı keçirilmişdir. Seminarda 8a sinif şagirdi Məmmədov Ümid “Qarabağ müharibəsi” mövzusunda hazırladığı təqdimatı nümayiş etdirdi. O, Vətən Müharibəsi iştirakçısı leytenant Samir Məmmədovun oğlu olduğunu böyük iftixarla qeyd edərək, atasının keçdiyi şərəfli döyüş yolundan söhbət açdı. Məruzədə Azərbaycanın qədim diyarı olan Qarabağın ölməzlik zirvəsinə qədər ucalan şəhidlərimizin qanı, döyüş meydanından bir addım belə çəkilməyən qəhrəman qazilərimizin canı hesabına azad edilməsi hörmətlə qeyd olundu. Eləcə də vurğulandı ki, müzəffər Ali Baş Komandan İlham Əliyevin həm döyüş meydanında, həm diplomatiya sahəsində, həm də informasiya cəbhəsində apardığı mübarizə Zəfər Gününü bizə bir daha yaxınlaşdırdı. ”8 Noyabr Zəfər Günü” haqq-ədalətin zəfər çaldığı gün kimi Azərbaycan tarixində əbədi olaraq qalacaqdır!
