Bilik bayramı
15.09.2016-cı il tarixdə Azərbaycanın çoxmilyonlu təhsil ictimaiyyətində olduğu kimi Ekologiya liseyində də bilik bayramı böyük təntənə ilə qeyd olunmuşdur. Tədbiri giriş sözü ilə açan liseyin direktoru Sevinc Orucova şagirdləri, valideynləri və müəllimləri salamlayaraq, öz çıxışında keçən dərs ilində əldə olunan nailiyyətlərlə tədbir iştirakçılarını tanış etmişdir. O bildirmişdir ki, IX siniflərdə TQDK-nın keçirdiyi buraxılış imtahanlarının nəticələrinə görə Bakı şəhəri məktəbləri arasında lisey I yer, respublika üzrə III yer tutmuşdur. Məhz buna görə Bakı Şəhəri üzrə Təhsil İdarəsinin müdiri Məhəbbət Vəliyeva 291№-li Ekologiya liseyini Fəxri Fərmanla təltif etmişdir. Liseyi bitirən 39 məzundan 35 nəfər respublikamızda və xarici ölkələrin universitetlərinə daxil olmuşlar. Liseyin direktoru çıxışının sonunda bayram münasibəti ilə tədbir iştirakçılarını təbrik etmiş, onlara uğurlar arzulamışdır. Tədbirdə 650-dən yuxarı bal toplayan məzunlar da çıxış edərək öz müəllimlərini təbrik etmiş, onlara öz minnətdarlıqlarını bildirmişlər. Sonda liseyin V sinfinə yüksək bal toplayaraq daxil olmuş şagirdlər ilk zəngi səsləndirmişlər.
