"Zəfərin mübarək,Vətənim!"
Liseydə Zəfər bayramına həsr olunmuş silsilə tədbirlər keşirilmişdir.Liseyin şagirdləri Hərbi Qənimətlər Parkında olmuş, ll Fəxri Xiyabanıa getmiş və liseyin şəhid-məzunu Vətən Müharibəsi Qəhrəmanı baş leytenant Azad Hümbətovla yanaşı orada dəfn olunmuş bütün şəhidlərin məzarlarını ziyarət etmişlər.
05.10.2021-ci il tarixində liseydə Uşaq Birliyi Təşkilatının Rəhbəri Atlaz Zeynalovanın təşkilatçılığı ilə 8 Noyabr-Zəfər Gününə həsr olunmuş “Zəfər yolu” adlı ədəbi-bədii kompozisiya təşkil ediilmişdir.
Tədbir Azərbaycan Respublikasının Himninin sədaları altında açıq elan olunmuş, şəhidlərin xatirəsi 1 dəqiqəlik sükutla yad edilmişdir.Tədbiri giriş sözü ilə açan liseyin təşkilat işləri üzrə Zeynəb Qasımova qonaqları salamlamış və bu Zəfər gününün xalqımız üçün qürur mənbəyi olduğunu, onun tarixi əhəmiyyətini vurğulamışdır.O, bildirmişdir ki, bu bayram lisey üçün daha əzizdir. Çünki bu bayram ərəfəsində liseyə şəhid-məzun Vətən Müharibəsi Qəhrəmanı, “Vətən uğrunda”, “Füzulinin azad olunmasna görə”, “Xocavəndin azad olunmasına görə” medalları ilə təltif edilmiş baş leytenant Azad Arif oğlu Hümbətovun adı verilmişdir. Z.Qasımova onu da qeyd etdi ik, ilk Zəfər gününü qeyd edən Azad Hümbətovun adına lisey üçün bu gün tarixi bir gündür.
Zeynəb Qasımova öz çıxışından sonra səhnəni şagirdlərin ixtiyarına verdi.
Tədbirdə rəngarəng musiqi, şeir, rəqs nömrələri ilə çıxış edən 8a və 9b sinif şagirdləri zalda əsl bayram əhval- ruhiyyəsi yaratmışdılar. ”Balaca əsgər” lərin nümayiş etdirdikləri səhnəcik isə tədbirə xüsusi rəng qatırdı.
Tədbirdə çıxış edən Nərimanov rayon Ağsaqqallar Şurasının müavini Kamil Babayev şagirdlərə öz minnətdarlığını bildirdi.
Sonda şəhid-məzunun anası Leyla Hümbətova Azad Hümbətovun adının liseyə verilməsi ilə bağlı liseyin müəllimlərini və şagird kollektivini təbrik etdi, onun övladının xatirəsinin daima uca tutulduğu üçün öz minnətdarlığını bildirdi.
Şəhidin anasına gül dəstəsi hədiyyə olundu.
Sonda liseyin direktoru Arif Əsədov çıxış edərək, şəhid anasını, qonaqları, müəllim və şagirdləri bu bayram münasibəti ilə təbrik etdi. Onu da əlavə etdi ki, Azad Hümbətovun adının liseyə verilməsi bizim üçün qürur və fəxr olmaqla yanaşı eyni zamanda böyük məsuliyyətdir. Arif Əsədov çıxışını şagirdlərə öz minnətdarlığını bildirməklə yekunlaşdırdı.
