Vətən Müharibəsi Qəhrəmanının xatirəsinə həsr edilmiş mini futbol turniri
Liseyimizdə şəhid məzunumuz, Vətən Müharibəsi Qəhrəmanı Azad Hümbətovun xatirəsinə həsr olunmuş mini futbol turniri keçirilmişdir. Turnirdə liseyin hər sinfindən bir komanda iştirak etmişdir. Gərgin mübarizə ab-havasında baş tutan turnirin final oyununda Vətən Müharibsi Qəhrəmanı Azad Hümbətovun atası Arif Hümbətov, Tokio 2020 Yay Olimpia Oyunlarının bürünc mükafatçısı, Yunan-roma güləşi üzrə dünya çempionu Rafiq Hüseynov da iştirak etmişlər. Şagirdlərimizin böyük maraqla qatıldıqları oyunlarda lisey rəhbərliyi və qonaqlar onlara öz arzularını bildirmiş, 44 günlük Vətən Müharibəsi dövründə bütün xalqımızın Müzəffər Ali Baş Komandanımız İlham Əliyevin ərtafında sıx birləşməsinin bütün dünyaya bir nümunə olduğunu bildirmişlər. Sonda turnirin qaliblərinə mükafatlar və kubok təqdim edilmişdir.
