Beynəlxalq Müəllimlər Günü
05.10.2021-ci il tarixində liseydə Beynəlxalq Müəllimlər Günü ilə bağlı tədbir keçirildi. Tədbiri giriş sözü ilə açan liseyin direktoru, filologiya üzrə fəlsəfə doktoru Arif Əsədov müəllimləri təbrik edərək, onlara möhkəm can sağlığı və pedaqoji fəaliyyətlərində uğurlar dilədi.
Sonra liseyin təlim-tərbiyə işləri üzrə direktor müavini Sevinc Hüseynova müəllimləri səmimi sözlərlə təbrik etdi.
Liseyin təşkilati işləri üzrə direktor müavini filologiya üzrə fəlsəfə doktoru Zeynəb Qasımova təbriklərə qoşularaq, müəllimlərə həmişə gümrah, enerjili olmağı və şərəfli işlərində bol-bol nailiyyətlər dilədi.
Sonra liseyin direktoru 65 yaşı tamam olması ilə bağlı kollektivimizdən ayrılan riyaziyyat müəllimi Səməd Çərkəzovun məsləhət və təcrübəsinə həmişə ehtiyacımız olduğunu vurğuladı. Onu həmişə liseyimizdə görəcəyimizdən məmnun olacağını bildirdi.
Tədbirin sonunda liseyin Azərbaycan dili və ədəbiyyatı müəllimi Y.Salehova, rus dili və ədəbiyyatı müəllimi B.Məmmədova, riyaziyyat müəllimləri İ.Ələsgərova, Ə.Əhmədova və ingilis dili müəllimi M.Məmmədova ATİAHİ Nərimanov Rayon Komitəsinin Fəxri Fərmanı ilə təltif edildilər.
Muəllimlər zəhmətlərinə verilən dəyərə görə liseyin direktoru A.Əsədova və Həmkarlar Komitəsinin sədri S.Kərimovaya öz dərin minnətdarlıqlarını bildirdilər.
