Musiqi ruhun qidasıdır
17.09.2021-ci il tarixdə liseyin Uşaq Təşkilatı Birliyinin Rəhbəri Atlaz Zeynalovanın təşkilatçılığı ilə Milli Musiqi Gününə həsr olunmuş “Musiqi ruhun qidasıdır” adlı onlayn tədbir keçirilmişdir. Liseyin musiqi müəllimi Gülbəniz Muxtarova tədbiri giriş sözü ilə açaraq milli musiqimizin yaranma tarixindən və dahi bəstəkar, publisist, yazıçı Üzeyir Hacıbəyovun musiqimizin yaranmasındakı əvəzsiz rolundan bəhs etdi. Eyni zamanda Üzeyir Hacıbəyov məktəbinin davamçıları olan bir çox bəstəkar ,müğənni və musiqiçilərin yaradıcılığı haqqında məlumat verdi.G. Muxtarova dahi bəstəkarın yaradıcılığından gözəl bir musiqi nümunəsi səsləndirməklə çıxışını yekunlaşdırdı.
Sonra liseyin şagirdlərinin ifasında rəngarəng musiqi nömrələri bir-birini əvəz etdi.
Eyni zamanda UBTR-i Atlaz Zeynalova istedadlı şagirdlərin asudə vaxtlarında təhsil aldıqları Q.Qarayev adına Mərkəzi İncəsənət Məktəbində olmuş və fleyta üzrə musiqi müəllimi ,”Dan Ulduzu” instrumental ansamblının solisti Tofiq Seyidəmirovun bayram təbriklərini liseyin kollektivinə çatdırmışdır.
Tədbir 10 A sinif şagirdi Veysəlzadə Sabunənin ifasında “Uzundərə” rəqsi ilə sona çatmişdır
