15 iyun -Milli Qurtuluş günü
15.06.2021-ci ildə liseydə Uşaq Birliyi Təşkilatının Rəhbəri Atlaz Zeynalovanın təşkilatçılığı ilə 15 iyun "Qurtuluş Günü"- nə həsr olunmuş onlayn tədbir keçirilmişdir. 9a sinif şagirdi Niftəli Aysu "Ulu bir sərkərdə,ulu bir öndər " adlı videotəqdimat hazirlamışdır. Təqdimatda bir daha vurğulanmışdır ki, "Qurtuluş günü" zəfərimizin təməlidir.
15 iyun-Milli Qurtuluş günü Azərbaycan xalqı üçün əsl qurtuluş günüdür. Bu tarixi yaradan isə Azərbaycanın müstəqilliyinin qorunub saxlanılmasında , möhkəmlənməsində, inkişafinda müstəsna rol oynayan, daim xalqına arxalanan Heydər Əliyevdir. "Azərbaycan mənim varlığımdır" deyən Ulu Öndər müstəqilliyimizi möhkəmləndirdi və inkişaf etdirdi. Heydər Əliyevin yenilməz iradəsi, uzaqgörənliyi, fədakarlığı onu bütün dünya azərbaycanlılarının lideri edib.
İşğaldan azad olunan torpaqlarımız yeni bir inkişaf mərhələsinə qədəm qoyur. Qazanılan bütün nailiyyətlərin əsasında Ümummilli lider Heydər Əliyev tərəfindən müəyyənləşdirilən siyasi kurs və bu siyasi kursu uğurla davam etdirən Prezident İlham Əliyev dayanıb.Ali Baş Komandan,cənab İlham Əliyevin rəhbərliyi ilə rəşadətli ordumuzun Vətən müharibəsində qazandığı tarixi qələbənin təməli də,məhz 15 iyun Qurtuluş günü qoyulmuşdur.
