Respublika Günü qeyd olundu
27.05.2016-cı il tarixdə liseydə 28 May Respublika gününə həsr olunmuş ədəbi- bədii kompozisiya keçirilmişdir. Ədəbi- bədii kompozisiya 1a sinif şagirdləri tərəfindən hazırlanmışdı. Birincilər bu tədbirdə liseyin müəllimlərinin və valideynlərin qarşısında maraqlı çıxışlar nümayiş etdirmişlər. Əlifbanı yenicə başa vurmaqlarına baxmayaraq, onlar Respublika gününün yaranma tarixindən məlumat vermiş, gözəl şerlər söyləmiş, şən mahnılar səsləndirmiş və şux rəqslər ifa etmişlər. Tədbirdə birincilərin sinif rəhbəri, valideynlər də çıxış etdilər. Sonda liseyin direktoru Respublika günü haqqında daha dolğun məlumat verdikdən sonra respublikamızın həyatında baş verənlərlə bağlı məsələlərə də toxundu. O, şagirdlərə yaxşı oxumağı, vətənini sevməyi tövsiyə etdi və bu tədbir üçün onlara və tədbirdə zəhməti olan sinif rəhbərinə öz minnətdarlığını bildirdi.
