"Sən bir çiçəksən " adlı bədii qiraət müsabiqəsi
05.03.2021-ci il tarixində liseyin Uşaq Birliyi Təşkilatının Rəhbəri Atlaz Zeynalovanın təşkilatçılığı ilə 8 Mart -Beynəlxalq Qadınlar Gününə həsr olunmuş "Sən bir çiçəksən " adlı bədii qiraət müsabiqəsi keçirilmişdir.
Müsabiqədə iştirak edən şagirdlər qadın gözəlliyinə,zərifliyinə və yer üzünün ən müqəddəs varlığı olan anaya həsr olunmuş bir-birindən gözəl şeirləri ifa etmişlər.Onlar öz ifaları ilə bütün Azərbaycan qadınlarına, eləcə də işğaldan azad olmuş cənnət güşəmiz olan Qarabağ xanımlarına öz təbriklərini çatdırmışlar.
Keçirilmiş bədii qiraət müsabiqəsi eyni zamanda şagirdlərin istedad, bacarıq və qabiliyyətlərini üzə çıxartmışdır. Onlarda bədii qiraət bacarığını daha da formalaşdırmışdır. Müsabiqənin sonunda iştirakçılar münsiflər heyəti tərəfindən qiymətləndirildi və diplomla təltif olundular.
9 a sinif şagirdi Niftəli Aysu Muxtar qızı-I yer, 8b sinif şagirdi Bəyim Əhməd Məmmədhənifə qızı- II yer, 6c sinif şagirdi Hüseynova Ləman Əhliman qızı -II yer, 6b sinif şagirdi Məmmədova Nərgiz Qalib qızı- III yer, 8c sinif şagirdi Qurbanzadə Solmaz Pərviz qızı - III yer, 7a sinif şagirdi Əliyeva Mədinə Ruslan qızı - III yer.
