"N.Nərimanov yazıçı və dövlət xadimi kimi"
291 №li Ekologiya liseyinin kollektivi görkəmli dövlət xadimi, həkim, yazıçı, publisist N.Nərimanovun 150 illik yubileyinə həsr olunmuş "N.Nərimanov yazıçı və dövlət xadimi kimi" adlı onlayn tədbir keçirdi.
Tədbiri giriş sözüylə liseyin tarixi müəllimi Şəfiqə Ağayeva açmışdır. O, ədibin bir dövlət xadimi kimi tarixdə mövqeyindən, Azərbaycan xalqına olan xidmətlərindən bəhs etdi.
Daha sonra liseyin şagirdləri N.Nərimanovun həyat və yaradıcılığında söhbət açdılar. Yazıçının dəyərli əsərlərinə nəzər salındı. "Nadanlıq və Nadir şah" əsərindən səhnəciklər təqdim olundu. N.Nərimanovun tarixi faciə şanrının banisi olduğu diqqətə çatdırırldı.
Yazıçının bir həkim kimi xalqa təmənnasız xidmətlərindən və maarifçilik idealarından danışıldı.
Onun dramaturgiyasının Azərbaycanın teatr səhnəsindən aktyor və rejissorların inkişafına müsbət təsiri diqqətə çatdırıldı. Sonda 8b sinif şagirdi Bəyim Əhmədin çəkdiyi N.Nərimanovun portreti nümayiş etdirildi.
