291 №-li Ekologiya liseyinin məzunu şəhid Azad Hümbətov
Azad Arif oğlu Hümbətov 1996-cı il 24 yanvar tarixində Bakı şəhərində anadan olmuşdur. Orta təhsilini Nərimanov rayon 291№-li Ekologiya liseyində almışdır.
2013-cü ildə Heydər Əliyev adına Azərbaycan Ali Hərbi Məktəbinin tank bölüyü ixtisasına daxil olmuş, 2017-ci ildə həmin məktəbi leytenant hərbi rütbəsi ilə bitirmişdir. Təyinatı üzrə elə həmin ildə Füzuli rayonunun Horadiz şəhərindəki N saylı hərbi hissədə öz vəzifəsinə başlamışdır.
2018-ci il "Azərbaycan ordusunun 100 illiyi" münasibətilə keçirilən hərbi paradda bayraqdar vəzifəsini daşımış və Silahlı Qüvvələrin 100 illiyi medalı ilə təltif olunmuşdur.
Silahlı Qüvvələrin təlim və tədris mərkəzində təkmilləşmə kursunu keçərək baş leytenant rütbəsi almışdır.
İkinci Qarabağ müharibəsində göstərdiyi şücaətə görə 9 dekabr 2020-ci ildə H.Azad Arif oğluna (ölümündən sonra) "Vətən müharibəsi qəhrəmanı" adı verilmişdir.
Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etdiyinə və vəzifə borcunu şərəflə yerinə yetirdiyinə görə 15 dekabr 2020-cil ildə H.Azad Arif oğluna (ölümündən sonra) "Vətən uğrunda medalı" ilə təltif edilmişdir.
Füzulinin azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş, 25 dekabr 2020-ci ildə "Füzulinin azad olunmasına görə" (ölümündən sonra) medalı ilə təltif edilmişdir.
Xocavənd rayonunun işğaldan azad edilməsi uğrunda aparılmış döyüş əməliyyatlarında iştirak edərək baş leytenant H.Azad Arif oğlu (ölümündən sonra) 25 dekabr 2020-ci ildə Xocavəndin azad olunmasına görə medalı ilə təltif edilmişdir.
27 oktyabr 2020-ci ildə Laçın rayonu uğrunda gedən döyüşlərdə qəhramancasına döyüşmüş və şəhid olmuşdur.
II Fəxri Xiyabanda dəfn olunmuşdur.
