9 noyabr " Bayraq "günü
09.11.2020-ci il tarixində Ekologiya liseyinin müəllim və şagirdlərinin iştirakı ilə 9 noyabr "Bayraq"günü və Şuşanın işğaldan azad olunması münasibəti ilə "Dalğalanan Bayrağım " adlı onlayn tədbir keçirildi.
Tədbirdə şagirdlər bayrağımızın yaranma tarixindən söz açdılar.Bayrağa həsr olunmuş şeirlər,mahnılar və rəqslər ifa olundu.
Məktəbin müsiqi müəlliməsi Gülbəniz Muxtarova pianoda " Can Azərbaycan " mahnısı ilə hər kəsi təbrik etdi.
Daha sonra liseyin tarix müəlliməsi Şəfiqə Ağayeva bayrağımızın yaranma tarixindən söhbət açdı.O,üçrənglı bayrağımızın daim zirvələrdə olacağını qürürla qeyd etdi.
Sonra liseyin təşkilat üzrə direktor müavini Qasımova Zeynəb çıxış edərək,xalqımızın dədə-baba torpağından didərgin düşməsindən söhbət açdı.
Ali Baş Komandan,cənab İlham Əliyevin rəhbərliyi ilə ordumuzun qazandığı bu tarixi qələbənin Azərbaycanın şərəf və qəhrəmanlıq salnaməsi olduğunu qeyd etdi.
Sonda liseyin 7a sinif şagirdi Oruclu İsmayıl "Çırpınırdı Qara dəniz "mahnısını ifa etdi.
