20 Yanvar hüzn günü
17 yanvar 2020-ci il tarixində Ekologiya liseyində 20 Yanvar-Ümümxalq Hüzn Gününün 30-cu ildönümünə həsr olunmuş "Şəhidlik zirvəsi " adlı tədbir keçirildi.
Tədbir Azərbaycan Respublikasının Dövlət himninin səsləndirilməsi və 20 Yanvar faciəsində həlak olmuş şəhid oğul və qızlarımızın xatirəsini bir dəqiqəlik sükutla yad edilməsi ilə başladı.
Şagirdlərin ifasında M.Arazın "Ayağa qalx,Azərbaycan "şeiri əsasında kompozisiya təqdim olundu.Daha sonra İlqar və Larisanın həyatından bəhs edən " Qırılan ümidlər" adlı səhnəcik göstərildi.
Tədbir İştirakçılarına 20 Yanvar faciəsinin səbəbləri haqqında məlumat verildi.Şagirdlər bir-birindən təsirli şeirlər,mahnılar ifa etdilər.
Sonda liseyin direktoru Kəmalə Mirzoyeva çıxış edərək,xalqımızın qəhrəman oğul və qızlarının keçdiyi bu qəhrəmanlıq yolunun 1991-ci il 18 Oktyabrda qazandığımız müstəqilliyin təməli olduğunu vurğuladı.
Tədbir KİV tərəfindən işıqlandırıldı.
