Kikboksçu Elşad Şahbazovla görüş
“ Sağlam nəsil- parlaq gələcək “ layihəsi çərçivəsində məktəbdə müxtəlif formatda tədbirlər həyata keçirilir. Bu gün Azərbaycan kikboksçusu , Avropa 3-cüsü , məktəbin məzunu olmuş Elşad Şahbazovla görüş keçirildi. Görüşdə respublika və respublikadan kənarda idmanın müxtəlif növləri üzrə təşkil edilmiş yarışlarda iştirak etmiş idmançı şagirdlərimiz də qatılmışdı. Əvvəlcə Elşad Şahbazovun keçirdiyi döyüşlərdən videoçarxlar nümayiş etdirildi , sonra “ kiçik qəhrəmanlarımız “məşğul olduqları idman sahəsi ndə əldə etdikləri nailiyyətlərlə bağlı təəssüratlarını bölüşdülər.
