Kiçik qəhrəmanın böyük hekayəsi
23 Aprel Ümumdünya Kitab və Müəlliflik Hüququ Günü 1995-ci ildə UNESCO tərəfindən təsdiq edilmişdir. Həmin gün dünya ədəbiyyatında simvolik tarixdir. Azərbaycanda bu əlamətdar tarix 1997-ci ildən başlayaraq hər il qeyd edilir. Keçmişlə gələcək arasında əlaqə , nəsillər və mədəniyyətlər arasında bir körpü olan kitabın sehrli gücünü tanımaq üçün hər il 23 Aprel tarixində bütün dünyada tədbirlər keçirilir.
F.Köçərli adına Respublika Uşaq Kitabxanasının 2 nömrəli filialının təşkilatçılığı ilə 23 Aprel Ümumdünya Kitab və Müəlliflik Hüququ Günü ilə əlaqədar məktəbdə dəyirmi masa keçirildi. Tədbirdə ədəbiyyat müəllimi Şəfa Əhmədova , uşaqlarla sinifdənxaric və məktəbdənkənar tərbiyə işi üzrə təşkilatçı Gülər Hacıyeva və VI sinif şagirdləri iştirak edirdi. Bu günün qeyd olunmasında məqsəd şagirdləri kitablardan və mütaliədən zövq almağa təşviq etmək , onlarda bədii ədəbiyyata marağı artırmaqdır.
Dünya şöhrətli fransız yazıçısı V.Hüqonun “ Səfillər “ romanı əsasında müzakirə aparıldı. Kitabxana əməkdaşları tərəfindən günlə bağlı məlumat verildi.
Daha sonra V.Hüqonun həyat və yaradıcılığına nəzər salındı , şagirdlərlə birgə “ Səfillər “ romanındakı obrazların təhlili aparıldı, əsərdəki maraqlı faktlara nəzər yetirildi.
