281 №-li tam orta məktəb

"Lütfi Zadə adına Məktəblilərarası I Məntiq Olimpiadası"nda fərqlənən şagirdlərimizBakı Şəhər Təhsil İdarəsi və “ İstək” liseyinin birgə təşkil etdiyi “Lütfi Zadə adına məktəblilərarası I Məntiq Olimpiadası”nın final mərhələsi başa çatdı. Olimpiadanın məqsədi şagirdlərin məntiqi təfəkkürünün inkişafına təkan vermək, onlara beynəlxalq, yerli olimpiadalarda uğur qazandırmaq, istedadlı, bacarıqlı şagirdləri aşkara çıxarmaq, onların marağının artmasına təsir göstərməkdir. Bu olimpiadada məktəbimizin 30 nəfər şagirdi sertifikata layiq görüldü.

“Olimpiya Hərəkatı-2017”-gənc voleybolçularımızın növbəti qələbəsiAzərbaycanda məktəblilər üçün “Olimpiya Hərəkatı -2017” ən yeni, fərqli və genişmiqyaslı idman proqramlarından biridir. Bu proqram çərçivəsində Suraxanı rayonu məktəbliləri arasında 03-04 mart tarixlərində voleybol yarışı keçirildi. Yarışda 34 məktəbin idman komandası iştirak edirdi. V.Mirzəliyev adına 281 №-li tam orta məktəbin komandası rayondaxili mərhələdə Voleybol idman növündə II yeri tutaraq kubok və diplomlarla təltif edildi.

Şahmat yarışı5c sinif şagirdi Məmmədov Yunis Suraxanı rayonu Gənclər Evində keçirilən “2 Fevral Gənclər Günü” nə həsr olunmuş şahmat yarışında iştirak etmiş və II yerə layiq görülmüşdür.