281 №-li tam orta məktəb

“Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında” Təhsil Nazirliyinin 2019-cu il üçün Fəaliyyət Planı əsasında hazırlanmış birgə İş Planının 1.2.5.-ci bəndinə uyğun olaraq aprelin 17-də məktəbin Azərbaycan dili və ədəbiyyat müəllimi Vüsalə Məmmədovanın rəhbərliyi ilə 8”Ç”  sinfində. “Dini xurafat, ehkamçılıq və cəhalətin tənqidinə həsr olunmuş ədəbi əsərlər ” mövzusunda “Dəyirmi masa” ətrafında müzakirə keçirildi. Müəllimə şagirdlərdən bu mövzuda oxuduqları əsərlər haqqında məlumat aldı. Şagirdlər M.F.Axundov, C.Məmmədquluzadə, Ə.Haqverdiyev, M.Ə.Sabirin bir çox əsərlərini sadaladılar. Şagirdlərdən Aydan Bədizadə Sabirin “Oxutmuram əl çəkin” satirasını ifadəli şəkildə söyləyərək həm satiraya çəkilmiş illüstrasiyalar, həm də əsərdən gətirdiyi sitatlarla ətraflı məlumat verdi. Ramil Rəhimov, Zeynal Rəhimov, Nərmin Gülüşova və başqalarının çıxışlarında “Ölülər”, “Usta Zeynal”, “Poçt qutusu”və M.Ə. Sabirin bir sıra satiraları əsas müzakirə obyekti oldu.

Məktəbimizdə “Aprel döyüşçülərinin yolunun davamçısı olaq və Vətənimiz Azərbaycanı həmişə uca tutaq” devizi altında II, III və IV sinif şagirdləri arasında cəld və güclülərdən ibarət idman yarışı keçirildi. Yarışda qalib gələn siniflər diplomla təltif olundular. I yer - 2”E”, 3”Ə”, 4”Ç”siniflərinə, II yer – 2”Ğ”, 3”C”, 4”E” siniflərinə, III yer isə- 2”C”, 3”A”, 4”F” siniflərinə verildi.

“Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında” Təhsil Nazirliyinin 2019-cu il üçün Fəaliyyət Planı əsasında hazırlanmış birgə İş Planının 2.4.1.-ci bəndinə uyğun olaraq “Heç bir uşağı nəzərdən qaçırmayaq” ideyasını əsas tutmaqla hər bir şagirdin malik olduğu qabiliyyət və istedad potensialının aşkara çıxarılması, onlarda öz imkanlarına inam hissinin aşılanması məqsədi ilə məktəbin VII-VIII sinif şagirdləri arasında müsabiqə keçirildi. Yaradıcı, istedadlı, əl qabiliyyəti olan şagirdlər aşkara çıxarıldı.

“Ədəbiyyatımızı sevək və sevdirək” layihəsi üzrə novbəti təqdimatımız Məlahət Novruzovanın rəhbərlik etdiyi 4”V” sinfində S.S Axundovun “Qaraca qız” hekayəsinin səhnələşdirilməsi oldu. Şagirdlər hekayəni səhnələşdirməklə özlərinin kollektiv qarşısında çıxış etmək, və sərbəst ifadə etmək bacarıqlarını nümayiş etdirdilər həmçinin, nitqlərinin səlis, aydın, ifadəli olduğunu göstərməyə çalışdılar. Uşaqlar hekayəni səhnələşdirdikdən sonra məhkəmə qurub, qaraca qızın ölmündə təqsirkar bilinən obrazları mühakimə etdilər. Muhakimə edilən obrazlar da özlərinə bəraət qazandırdılar. Bununla da şagirdlərimiz gələcək həyatda özlərini necə müdafiə etmək, haqqı nahaqdan necə ayırmaq olar bacarqılarını göstərdilər.

“Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında” Təhsil Nazirliyinin 2019-cu il üçün Fəaliyyət Planı əsasında hazırlanmış birgə iş planının 3.1.2.-ci bəndinə uyğun olaraq “Şagirdlərin hərbi-idman oyunlarında daha da fəal iştirakının təşviqi, bu oyunlarda hər bir məktəbin öz komandası ilə təmsili olunması” məqsədi ilə aprelin 12-də məktəblərarası “Şahin” hərbi idman oyunlarının rayon mərhələsi keçirildi.Yarışda məktəbimizin komandası fəal iştirakına görə Fəxri fərmanla mükafatlandırıldı.