3”A” sinif şagirdlərinin muzeylərə ekskursiyası
Şagirdləri qədim tarixi, milli-mənəvi dəyərlər barədə daha ətraflı məlumatlandırmaq, asudə vaxtlarını səmərəli təşkil etmək, onların dünyagörüşünü, bilik və bacarıqlarını artırmaq məqsədilə məktəbin ibtidai sinif müəllimi Xatirə Məmmədova rəhbərlik etdiyi 3”A” sinif şagirdləri ilə “Təbiət tarixi” və “Suraxanı” gəmi-muzeylərinə ekskursiya təşkil etdi. “Təbiət tarixi” muzeyində şagirdlər qədim canlıların qalıqları, minerallar və maraqlı eksponatlarla tanış oldular. Suraxanı gəmi-muzeyi- Azərbaycanda gəmiçiliyin inkişafı və dənizçilik ənənələrinin tarixini əks etdirən dünyada ilk tanker-muzeydir. Burada bələdçi Xəzərin, Azərbaycan gəmiçiliyinin tarixi, Azərbaycan dənizçilərinin fəaliyyəti haqqında məlumatlar verdi. Bu ekskursiya uşaqlar üçün həm öyrədici, həm də maraqlı oldu. Sonda xatirə şəkilləri çəkildi.
