258 №-li tam orta məktəb

Rüfətin uğuruArif Vəliyev adına 258 saylı tam orta məktəbin 8d sinif şagirdi Əliyev Rüfət "Şəhidlərin xatirəsinə həsr olunmuş sərbəst güləş üzrə Zenit idman birinciliyində" 38 kq çəki dərəcəsi ilə, I yerə layiq görülmüşdür.Kollektivimiz adından onu təbrik edir,uğurlarının davamlı olmasını arzu edirik.

Dəyərli MüəllimArif Vəliyev adına 258 nömrəli tam orta məktəbin direktoru Sədaqət xanım Hüseynova Gənclər və idman nazirliyi N.Nərimanov rayon Gənclər və idman idarəsi, N.Nərimanov ağsaqqallar şurası " Uşaq yeniyetmə və gənclərin təlim tərbiyəsində , onların bilik və bacarıqlarının artırılmasında, vətənpərvər ruhda böyüməsində göstərdiyi xidmətlərə "görə və "5 Oktyabr müəllimlər günü münasibətilə Fəxri Fərmana layiq görülüb. Biz də kollektivimiz adından bir daha təbrik edirik, uğurlarınızın daimi olmasını diləyirik!

Maksimum 100 bal toplamış müəllimArif Vəliyev adına 258 nömrəli tam orta məktəbin 3 d sinif müəllimi Hüseynova Aysel Bəhram qızı bu yaxınlarda keçirilən təhsilverənlərin sertifikasiya imtahanında hər iki mərhələdən maksimum, 100 bal toplamış və məktəbimizin adını ucaltmısdır.Aysel müəllimə işlədiyi müddətdə ibtidai sinif pilləsində kifayət qədər sözünü demiş müəllimədir.O, bilik və bacarıqlarını şagirdlərin inkişafına həsr edən, müasir texnologiyalardan səmərəli istifadə edən, bu günkü təhsil tələblərinin hər birinə öz dəsti-xətti ilə, müasir təlim metodları ilə cavab verən əsl müəllim, öz peşəsində sözünü demiş ziyalıdır.Biz onu böyük uğur munasibətilə təbrik edirik, ona cəmiyyətə savadlı, bilikli , bacarıqlı vətəndaş yetirmək kimi məsuliyyətli işində uğurlar arzu edirik.