“Hər bir sənət gözəldir” mövzusunda tədbir keçirildi
28.11.2022-ci il tarixdə məktəbimizin UBR-i Daşdəmirova Günel V “ A” sinfi ilə birgə “Hər bir sənət gözəldir” mövzusunda tədbir keçirdi. Şagirdlərə həm peşələrin mahiyyəti, həm də gələcək üçün doğru seçim barəsində məlumatlar verildi. Daha sonra balaca "peşə sahibləri" öz bacarıqlarını nümayiş etdirdilər.
Tədbirin sonunda məktəbin təşkilatçısı və psixoloqu çıxışında şagirdlərə bütün peşələrin vacib olduğunu bildirdi. İnsan həyatda elə sənət, elə peşə seçməlidir ki, həm özünün bu peşəyə sevgisi, məhəbbəti olsun, həm də bu sənət və peşə ilə xalqına, cəmiyyətinə xeyir verə bilsin. Gələcəkdə yaxşı mütəxəssis olmaq üçün isə kitabla dost olmaq və yaxşı oxumağı tövsiyə etdilər.
