247 № Lİ TAM ORTA MƏKTƏB

2022/2023-cü tədris ilinin yekununa dair hesabatların hazırlanmasına həsr olunmuş sinif rəhbərləri ilə görüş keçirildi. Görüşdə BŞTİ tərəfindən göndərilmiş hesabatın təlimatı ilə sinif rəhbərləri tanış edildi və müvafiq tövsiyələr verildi.

Bu gün Fəridə müəllimə şagirdlərini 1 İyun-Uşaqların Beynəlxaq Müdafiəsi Günü ilə bağlı “Farhouse Neon Art Museum”a ekskursiyaya apardı. İkincilər sehrli və maraqlı rəsmlərlə tanış olaraq əyləncəli və öyrədici gün keçirmiş oldular.

Vl "Ç" sinif şagirdimiz - rəssam qızımız Xudaverdi Aidənin sərgisi təşkil edildi. Rəngarəng rəsm əsərləri foyedə sərgiləndi. Məktəbli yoldaşları 05 iyun tarixinədək Aidənin rəsmlərini seyr edə biləcəklər.

Bu gün təsviri incəsənət dərsini məktəblilər açıq havada keçdilər. Xədicə müəllimə şagirdlərinin rəsmlərini 01 İyun Uşaqların Beynəlxalq Müdafiəsi Gününə həsr etdi.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.