"Ölkəmizi tanıyaq" tur-aksiyası keçirilir
Bildiyimiz kimi hər il Azərbaycan Respublikasının Prezidenti Cənab İlham Əliyevin tapşırığına əsasən, orta ümumtəhsil məktəblərinin IX-XI sinif şagirdləri üçün "Ölkəmizi tanıyaq" tur-aksiyası keçirilir.
Bu tur-aksiyanın keçirilməsində əsas məqsəd şagirdlərimizin dünyagörüşünün formalaşması, əyani olaraq tarixi abidələrimizlə tanışlıq, mədəni irsimizin öyrənilməsidir. Növbəti tur-aksiya Respublikamızın gözəl guşələri olan Göy göl, Şəmkir, Gəncə şəhərlərinədir. Bu tur ərzində şagirdlər bu rayonların qədim tarixi abidələri, muzeyləri, etnoqrafiyası, mədəniyyəti, mətbəxi ilə yaxından tanış olacaqlar. Ümumiyyətlə, bu tur-aksiya maarifləndirici xarakter daşıyır, şagirdlərimizin vətənpərvərlik ruhunun yüksəlməsinə xidmət edir.
