“İlk kompüter oyunları nə vaxt yaranıb və kompüter oyunlarının təhsilə tətbiqi” mövzusunda "Açıq dərs" keçirilmişdir
Aprel ayının 24-də məktəbin Azərbaycan dili və ədəbiyyat müəllimi Şirinova Ülkərin 7A sinfində “İlk kompüter oyunları nə vaxt yaranıb və kompüter oyunlarının təhsilə tətbiqi” mövzusunda "Açıq dərsi" keçirilmişdir. Şagirdlər iki qrupa bölünmüşlər. “Kitab qurdu” və “Xakerlər” qruplarının hər biri kitabın və kompüterin faydalı və ziyanlı tərəflərini fərziyyələr, təqdimatlar ilə əsaslandırmışlar. Qazanılmış nəzəri biliklər bir neçə kompüter oyunları üzərində tətbiq edilməklə təkrarlanmışdır. Slaydlar nümayiş olunmuşdur. Sonda qiymətləndirmə aparılmışdır. Dərs məktəb rəhbərliyi tərəfindən müzakirə olunmuş və yüksək qiymətləndirilmişdir. 
