Fənn aylığına start verilib
Oktyabr ayı məktəbin illik fəaliyyət planına uyğun olaraq Rəqəmsal-STEAM fənn aylığı elan olunub. Bu ay ərzində şagirdlərin rəqəmsal bacarıqlarını inkişaf etdirmək, texnologiyadan səmərəli istifadə etməyi öyrətmək, eləcə də STEAM yanaşmasını məktəb tədris prosesinə inteqrasiya etmək məqsədilə müxtəlif tədbirlər keçiriləcəkdir. Fənn aylığı çərçivəsində şagirdlərə fənlərarası əməkdaşlıq, yaradıcı düşüncə, problem həlli və komanda işində aktiv iştirak etmə bacarıqları aşılanacaq.
Tədbirlər, layihə işləri,nümunəvi dərslər, yarışmalar və digər fəaliyyətlər vasitəsilə şagirdlərin bilik, bacarıq və vərdişləri daha da təkmilləşdiriləcəkdir.
