“Uşaq hüquqlarının pilləli tədrisi” həyata keçirilib
Azərbaycan Respublikasının İnsan Hüquqları üzrə Müvəkkili (Ombudsman) Aparatı və Təhsil Nazirliyinin birgə əməkdaşlığı əsasında orta ümumtəhsil məktəblərində həyata keçirilən Uşaq hüquqları üzrə pilləli tədris proqramı davam etdirilir.
Bakı şəhəri üzrə təklif olunan ümümtəhsil məktəblərinin siyahısında Yavər Əliyev adına 235 nömrəli tam orta məktəb də vardır.
Fevralın 28-də 3 qrup üzrə “Uşaq hüquqlarının pilləli tədrisi” həyata keçirilib. 1-ci qrupa III, IV siniflər, 2-ci qrupa V, VI, VII siniflər, 3-cü qrupa isə VIII,IX, və X siniflər daxildir. Tədris prosesində Ombudsman təsisatında uşaqlar üçün anlaşılan tərzdə Azərbaycan dilində hazırlamış “Uşaq Huquqları Konversiyası” adlı kitabça və “Uşaq hüquqları üzrə pilləli tədrislə bağlı seçilmiş mövzular” adlı dərs vəsaitindən istifadə edilib.
