23 Aprel – Ümumdünya Kitab və Müəlliflik Hüququ Gününə həsr olunan dəyirmi masa keçirildi
23 Aprel – Ümumdünya Kitab və Müəlliflik Hüququ Günü məktəbimizdə müxtəlif tədbirlər formatında qeyd olundu. Məktəbin Azərbaycan dili və ədəbiyyat müəllimi Kəminə Zalovanın və kitabxana müdiri Aytən Məmmədovanın iştirakı ilə 8a sinif şagirdləri üçün dəyirmi masa təşkil olundu.
Azərbaycan dili dərsliyindən tədris olunan “Yalançı Xortdan” mətni xatırlanmaqla müəllif hüquqları anlayışına toxunuldu. Daha sonra şagirdlər tərəfindən mövzu ilə bağlı internet resurslarından əldə olunan məlumatlar qarşılıqlı müzakrə olundu.
Müzakirədə kitabların və müəlliflik hüququnun təbliğ olunmasının yaradıcılığa və mədəni müxtəlirfliyə geniş şərait yaratması vurğulandı.
Z.Kəminə müzakirədə təkcə ayrı -ayrı əsərlərin müəllifliyinin deyil ,həm də xalqımıza məxsus milli dəyərlərin, tarixi abidələrin o cümlədən elmi -bədii materialların da müəlliflik hüququnun qorunmasının vacib olduğunu qeyd etdi .
Sonda məktəb kitabxanasına yenicə gətirilmiş müxtəlif bədii ədəbiyyat nümunələrinin annotasiyası oxundu və həm müəlliflər, həm də əsərlər haqqında şagirdlər məlumatlandırıldı.
