V siniflər arasında bilik yarışı keçirildi
Azərbaycan dili və ədəbiyyat aylığı çərçivəsində tədbirlər davam edir. Fəaliyyət planına əsasən məktəbin 5-ci sinifləri arasında Azərbaycan dili fənnindən bilik yarışı keçirildi. Yarışın əsas məqsədi şagirdlərin fənnə marağını artırmaq, problem həll etmə bacarıqlarını inkişaf etdirmək, sağlam rəqabət yaratmaq idi.
Bilik yarışı 3 raunddan ibarət təşkil olunmuşdu. Suallar dinləyib-anlama, oxu və dil qaydaları məzmun xətlərini əhatə edirdi. Müəyyən edilmiş vaxt çərçivəsində cavablandırılan suallar münsiflər heyəti tərəfindən yoxlanıldı və qalib müəyyən olundu.
