Yeni tədris ilinin başlanması ilə əlaqədar valideyn iclası
Yeni tədris ilinin başlanması ilə əlaqədar valideyn iclası keçirilmişdir. İclasda əsasən aşağıdakı məsələlər müzakirə olunmuşdur:
Tədris: Şagirdlərin dərsləri müntəzəm izləməsi, ev tapşırıqlarına məsuliyyətlə yanaşması və mütaliə vərdişlərinin inkişafı vurğulandı.
Davamiyyət: Tədris nəticələrinin yüksəldilməsi üçün davamiyyətin təmin olunması, gecikmə və səbəbsiz buraxılışların qarşısının alınması vacibliyi qeyd edildi.
Məktəbli forması: Şagirdlərin vahid məktəbli formasına əməl etməsi, formanın təmiz və səliqəli geyinilməsinin vacibliyi xatırladıldı.
Məktəbdaxili davranış: Şagirdlərin müəllim və sinif yoldaşları ilə qarşılıqlı hörmət, mədəni ünsiyyət və məktəb nizam-intizamına əməl etməsi vurğulandı.
Elektron jurnal: Valideynlərə elektron jurnal sistemi barədə məlumat verildi. Şagirdlərin qiymətləri, davamiyyəti və müəllim qeydlərinin sistemdə izlənilməsinin üstünlükləri izah olundu. Valideynlərin bu sistemdən aktiv istifadə etmələrinin vacibliyi vurğulandı.
Valideynlərlə əməkdaşlıq: Valideynlərin məktəb tədbirlərində fəal iştirakı, övladlarının təhsili və tərbiyəsinə daimi nəzarət etmələri zəruri hesab edildi.
Nəticə: Valideynlər yeni tədris ili ilə bağlı əsas istiqamətlər – tədris, davamiyyət, məktəbli forması, məktəbdaxili davranış və elektron jurnalın istifadəsi barədə məlumatlandırıldı, bu sahələrdə nəzarətin gücləndirilməsi razılaşdırıldı.
