Əməkdar jurnalist,yazıçı -publisist ,pedaqogika üzrə fəlsəfə doktoru Zemfira Məhərrəmli ilə görüş keçirildi
Kitab bəşər mədəniyyətinin ən böyük nailiyyətlərindən biridir.Böyüməkdə olan nəslin inkişafında təlim-tərbiyəsində kitabın ,mütailənin rolu əvəzolunmazdır.
Bu xətti əsas tutaraq və məktəbin fəaliyyət planına uyğun olaraq məktəbin kitabxana müdiri Aytən Məmmədova və Azərbaycan dili ədəbiyyat müəllimi Rahilə Hüseynin təşkilatçılığı ilə əməkdar jurnalist,yazıçı -publisist ,pedaqogika üzrə fəlsəfə doktoru Zemfira Məhərrəmli ilə görüş keçirildi.
Tədbir himnimizin səsləndirilməsi ilə başladı.Məktəbin direktoru Günel Fətəliyeva yazıçı -publisist Zemfira Məhərrəmlini təqdim etdi.
Həm l Qarabağ,ll Qarabağ müharibəsində elimizin igid qızları silaha sarılmış can -başla vətən uğrunda çarpışmışlar.Bütün ruhu ilə xalqa ,vətənə bağlı olan Zemfira xanım Azərbaycanın belə vətənpərvər övladlarının fəaliyyətinə biganə qala bilməzdi.Vətən torpaqlarının azadlığı uğrunda ön cəbhənin odu alovu içərisinə atılan soydaşlarımıza əsərlər həsr edərək onların vətən qarşısınındakı xidmətlərini işıqlandırmışdı.Məhz bu əsərlərdən müəllifin “Çox kiçikdir bu dünya”adlı kitabındakı milli qəhrəmanlarımız Salatın Əsgərova,Gültəkin Əsgərova və “Şuşanı aldıq, Şuşa azadddır” əsərindəki cəsarətli əsgər Fərid Aslanov və Pərvizin qəhrəmanlıq səlnamələri 4”a”,7 “c”,8 “c”,8 “b”11”c” siniflərin fəal oxucuların təqdim etdiyi kompozisiyalar xüsusi maraqla qarşılandı.
2”a”,4”a”,8”b” sinif şagirdlərinin ifasında “Zəfər qələbəsi”adlı musiqi və rəqslər tədbirə xüsusi rəng qatdı.
Sonda Zemfira Məhərrəmli bədii və publisistik yaradıcılığının keçdiyi yoldan danışdı.Şagirdlərin sualları cavablandırıldı.Görüşdən yüksək məmnulluq hissi duyduğunu etiraf edən müəllif məktəb şagirdlərini xüsusi qiymətləndirdi.
Sonda xatirə şəkilləri çəkdirildi və fəal oxuculara məktəb kitabxanasına müəllifin kitablarından nümunələr təqdim olundu.Tədbirdə müəllimlər və valideynlər iştirak etdi.
