"2-yə və 3- ə vurma " mövzusu üzrə nümunəvi dərs keçirildi
Məktəbin fəaliyyət planının 2.4. "İbtidai sinif müəllimlərinin peşəkarlıq baxımından təhlil olunması" bəndinə uyğun olaraq 2 "A" sinfində Sevinc Məmmədova Riyaziyyat fənnindən "2-yə və 3-ə vurma" mövzusu üzrə nümunəvi dərs təqdim etdi. Məqsəd müəllimin peşə səviyyəsinin yoxlanılması, dərsin mənimsənilmə dərəcəsi və tədrisin keyfiyyətini izləmək, fəal təlimin mərhələlərinə əməl olunmasına nəzarət etməkdir. Dərsdə təlim-tərbiyə işləri üzrə direktor müavini Günel İsmayılova, metodbirləşmə rəhbəri Leyla Orucəliyeva və ibtidai sinif müəllimləri iştirak etdilər.
