"Yanğın zamanı davranış və qaydalar" mövzusunda söhbət aparıldı
Məktəbin fəaliyyət planına uyğun olaraq "Məktəb-valideyn əməkdaşlığı" layihəsi çərçivəsində 4 “B” sinif rəhbəri Könül Aslanovanın təşkilatçılığı ilə 4 “B” sinif şagirdi Rüstəmli Elcanın atası Fövqəladə Hallar Nazirliyinin əməkdaşı Elmar Rüstəmov şagirdlərlə "Yanğın zamanı davranış və qaydalar" mövzusunda söhbət apardı. Söhbətin məqsədi müasir dövrdə, texnologiyalarin inkişafı ilə əlaqədar daha çox yanğın təhlükəsi ilə qarşı qarşıya olduğumuzu şagirdlərə bildirməklə,onlara istər evdə,istər məktəbdə,istərsə də, digər obyektlərdə yanğın zamanı hansı qaydalara əməl etməli olduqlarını daha dərindən öyrətmək, təcrübələri bölüşmək,müxtəlif peşələrə maraq oyatmaq idi. FHN əməkdaşı məktəbdə olan yanğın əleyhinə avadanlıqları göstərdi,onların funksiyalarını ,işlənmə qaydalarını şagirdlərə izah etdi. Plakatlarda göstərilən yanğın təhlükəsi yaradan hallar haqqında geniş məlumat verdi.Şagirdlər maraqla dinlədilər.
