Şagirdlər Şəhidlər Xiyabanını ziyarət etdilər
Məktəbin fəaliyyət planına əsasən ibtidai sinif müəllimi Leyla Orucəliyeva, UBR Mədinə İskəndərova 4 "A" sinif şagirdləri və valideynləri ilə Bülə-bülə qəsəbəsində yerləşən Şəhidlər Xiyabanını ziyarət etdilər. Ziyarət zamanı şagirdlər şəhid Yunis Əliyevin atası ilə görüşdülər. Şəhidin atası şagirdlərə oğlunun Vətənə sevgisindən, keçdiyi döyüş yollarından danışdı. Oğlunun ucaldığı şəhidlik zirvəsi ilə fəxr etdiyini bildirdi.
Məqsəd Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hisslərinin gücləndirilməsidir. Şagirdlər şəhidlərimizin məzarlarına çiçəklər düzdülər.
