"Zəfər Yolu" adlı təşkilat saatı keçirildi
Məktəbin 3 "B" sinfində "Zəfər Yolu" adlı təşkilat saatı keçirildi. Məqsəd şagirdlərdə vətənə məhəbbət hissinin aşılanması və rəşadətli Ordumuzun 44 günlük Vətən müharibəsində əldə etdiyi uğurlarla tanış etməkdən ibarət oldu.
Sinif rəhbəri Şəbnəm Balayeva şagirdləri "8 Noyabr-Zəfər Günü" haqqında məlumatlandırdı.
Vətənpərvər oğullarımızın erməni təcavüzünü qəhrəmancasına dəf etməsi və əks-hücuma keçərək düşmənə sarsıdıcı zərbələr endirməsi xalqımızın qələbə əzminin nümayişi oldu. İllərlə yaşadığımız ağrı-acılar bir andaca sevincə çevrildi.
Sonda şagirdlər hazırladıqları əl işlərini, çəkdikləri rəsmləri nümayiş etdirdilər, vətənpərvər mövzulu şeir və mahnıları səsləndirdilər.
