Bütün peşələr vacibdir
Məktəbin 2 "A" sinfində "Düzgün peşə seçimi cəmiyyətin inkişafını təmin edir" adlı kiçik tədbir keçirildi. Sinif rəhbəri Sevinc Məmmədova şagirdlərə peşələr haqqında suallar verdi, şagirdlər hansı peşə sahiblərini tanıdıqları, valideynlərinin hansı peşə sahibi olduqları haqqında məlumat verdilər. Daha sonra sinif rəhbəri şagirdlərə tanış olmayan digər peşələr haqqında da söhbət apardı, düzgün peşə seçiminin gələcək inkişafda mühüm rol oynadığını vurğuladı. Şagirdlər geyimlər və ləvazimatlar vasitəsilə peşə sahiblərini canlandırdılar. Tədbir şagirdlərdə böyük maraq oyatdı,peşələrə olan həvəs və sevgilərini daha da gücləndirdi.
