İlk dərslərimiz “Qarabağ Azərbaycandır” mövzusuna həsr olundu
15 sentyabr “Bilik günü” Azərbaycan Respublikası Elm və Təhsil Nazirliyinin qərarına əsasən Azərbaycan Respublikasının Dövlət himninin səsləndirilməsi və torpaqlarımızın ərazi bütövlüyü uğurunda canlarından keçmiş şəhidlərimizi bir dəqiqəlik sükutla anılması ilə başlandı. Məktəbin direktoru Nisə Fərəcova çıxış edərək şagirdləri və müəllimləri salamladı.2022-2023-cü tədris ilində onlara uğurlar arzuladı. Eyni zamanda o, şəhidlərimizə Allahdan rəhmət, qalanlarımıza şəfa dilədi və bildirdi ki, şəhidlərimizin qanı yerdə qalmayıb. Bütöv Azərbaycanın inkişafı naminə hər kəs öz cəbhəsində əsgər olmalıdır, fikirləri ilə çıxışını yekunlaşdırdı. Daha sonra şagirdlər sinif otaqlarında dərslərə başladılar. İlk dərslərimiz “Qarabağ Azərbaycandır” mövzusuna həsr olundu.
