"Müstəqil Azərbaycanım səni tərənnüm edirəm" adlı hərbi-idman yarışı keçirildi
Məktəbin fəaliyyət planına uyğun olaraq hərbi rəhbəri Əliyev Təbrizin təşkilatçılığı ilə 28 May Müstəqillik gününə həsr olunmuş "Müstəqil Azərbaycanım səni tərənnüm edirəm" adlı hərbi-idman yarışı keçirildi.
Məqsəd şagirdlərdə müstəqil Azərbaycanımıza sevgini artırmaq,nailliyətlərimizi öyrətmək,onlar arasında sağlam rəqabət formalaşdırmaq,layiqli vətəndaş olmağı tərbiyələndirməkdir.
Məktəbin direktoru Nisə Fərəcova şagirdləri və müəllimləri Müstəqillik Günü münasibətilə təbrik etdi, yarış iştirakçılarına uğurlar arzuladı.
Yarışda 7 komanda iştirak etdi. Komandirlərin mühazirəsi,sıra düzülüşü,dönmələr,cərgədən çıxma,cərgədə durma ,musiqi sədaları altında parad,əleyhqazın geyinib çıxarılması,yaralılara ilk yardım göstərilməsi,idman yarışında qaçış və kəndirdartma yarışı keçirildi.
Yarşıda “Lələtəpə fatehləri” I yer, “Zirvə komandası” II yer, «Mübarizlər” komandası III yeri qazandılar. Qaliblər fəxri fərmanla məktəb rəhbərliyi tərəfindən təltif olundular.
