Heydər Əliyev ideyaları yaşayır və zəfər çalır
Məktəbin illik fəaliyyət planına uyğun olaraq 2 "A" sinfinin rəhbəri Rəna Abdullayevanın təşkilatçılığı ilə "Heydər Əliyev ideyaları yaşayır və zəfər çalır" adlı tədbir keçirildi.
Tədbirdə məktəbin direktoru Nisə Fərəcova, təlim tərbiyə işləri üzrə direktor müavini Səfa Orucəliyev, ibtidai sinif müəllimləri, valideynlər iştirak etdi.
Çıxışlarda qeyd olundu ki, Ümummilli lider Heydər Əliyevin zəngin dövlətçilik irsi və həyat fəlsəfəsi hələ uzun müddət diqqət mərkəzində olacaq və bu irsi öyrənmək, qorumaq, təbliğ və tətbiq etmək bugünkü və gələcək nəsillərin qarşısında duran ən vacib və aktuallığını itirməyən qlobal məsələdir.
Son illər ərzində Prezident İlham Əliyevin apardığı quruculuq işləri və həyata keçirdiyi uzaqgörən siyasət sayəsində əldə olunan nailiyyətlər bir daha təsdiq edir ki, ulu öndər Heydər Əliyevin ideyaları yaşayır, zəfər çalır. Biz hamımız inanırıq ki, İlham Əliyevin rəhbərliyi ilə Azərbaycan Respublikası Heydər Əliyev ideyalarına uyğun olaraq gündən-günə inkişaf edən, böyük iqtisadi potensiala malik, demokratik ölkə kimi öz suverenliyini və liderliyini saxlayacaqdır.
Tədbirdə şagirdlərin ifasında Ulu Öndər Heydər Əliyevə həsr olunmuş şeir, mahnılar səsləndirildi
