Kimya - biologiya fənn aylığı davam edir
Məktəbin illik fəaliyyətinə uyğun olaraq kimya - biologiya fənnindən 16 aprel Dünya Bioloqlar Gününə həsr olunmuş siniflərarası yarışma keçirildi.
Yarışın əvvəlində tanınmış azərbaycanlı bioloqları tanıyaq adlı slayd təqdim olundu. Azərbaycanın tanınmış seleksiyaçı alim Cəlal Əliyev, biotexnologiya sahəsində xidmətləri olan Vidadi Yusubov, Qərib Mürşüdovun fəaliyyətləri haqqında məlumat verildi.
Siniflərarası yarışda şagirdlərdə elmə olan həvəsi artırmaqla yanaşı onlarda əməkdaşlıq, ünsiyyət qurma bacarığını da formalaşdırır.
Yarışda 4 komanda iştirak edirdi. Zərrəcik, toxuma, molekul, orqan adlı komandalarda şagirdlər gərgin mübarizə apardılar. Zərrəcik adlı komanda 65 balla yarışın qalibi oldu.
16 aprel Dünya Bioloqlar Gününə həsr olunmuş yarışda məktəbin direktoru Nisə Fərəcova, direktor müavini Günel İsmayılova, təlim - tərbiyə işləri üzrə direktor müavini Səfa Orucəliyev iştirak etdi.
