Şagirdlərimiz Milli Qəhrəman Samid İmanovun ev muzeyində
Aprel döyüşlərinin 6-cı ildönümü ərəfəsində məktəbin direktoru Nisə Fərəcova, müəllimlər Nərminə Cabbarova, Rəna Abdullayeva və Milli Qəhrəman Samid İmanov adına 7 “A” sinif şagirdləri şəhidin Neftçala rayonu Həsənabad qəsəbəsində yerləşən ev muzeyində olmuş, valideynləri ilə görüşmüş, onun həyatı haqqında daha ətraflı məlumatlar əldə etmişlər.
Milli Qəhrəmanın anası Xuraman xanım oğlu ilə bağlı xatirələrini paylaşmışdır. Şagirdlər Samid İmanovun şəxsi əşyaları, fotoalbomu, onun haqqında yazılmış kitablar ilə tanış olmuşlar. Sonra şəhidin adına salınmış parkda şəhidlərin büstü önünə gül dəstələri qoymuşlar.
Daha sonra məktəblilər Milli Qəhrəman Samid İmanovun məzarı önünə tər çiçəklər düzmüş, onun xatirəsinə şeir söyləmişlər.
