"Bahar çələngi" adlı sinif təşkilat saatı keçirildi
Bakı şəhəri üzrə Təhsil İdarəsinin icrası və məktəbin fəaliyyət planına uyğun olaraq 2 "B" sinfində sinif rəhbəri Şəbnəm Balayevanın təşkilatçılığı ilə mənəvi dəyərlərimizi əks etdirən "Bahar çələngi" adlı təşkilat saatı keçirildi. Məqsəd milli-mənəvi dəyərləri şagirdlərə aşılamaq, Novruz bayramı xalqımızın adət-ənənələri haqqında məlumatlandırmaq, şagirdlərdə dəyərlərimizə hörmət hissini formalaşdırmaqdır. Şagirdlər baharın gəlişinə aid şeirlər səsləndirdilər, rəqslər etdilər. Sonda şagirdlər hazırladıqları əl işlərini və çəkdikləri şəkilləri nümayiş etdilər.
