"Qadın və cəmiyyət" mövzusunda seminar keçirildi
8 Mart Beynəlxalq Qadınlar Günü münasibətilə məktəbin IX-X-XI sinif şagirdləri və onların analarının iştirakı ilə seminar keçirildi.
Tədbiri giriş sözü ilə açan məktəbin direktoru Nisə Fərəcova tədbir iştirakçılarını salamladı və qonaqları təqdim etdi. Qarşıdan gələn 8 mart Beynəlxalq qadınlar günü münasibətilə qadınları təbrik etdi. Qadının cəmiyyətdə nə qədər böyük rola malik olduğunu bildirdi.
IX sinif şagirdləri Mirxanım Vahabova və Zəynəb Heydərlinin təqdimatında Qadının cəmiyyətdə rolu, qadın və hüquqlar, qadın və islamiyyət və.s movzularda çıxışlar etdilər.
İnteraktiv şəraitdə keçən görüşdə Bakı şəhər Təhsil İdarəsinin Təlimə Dəstək mərkəzinin psixoloqu Heyran Səfərova və Ailə Qadın və Uşaq problemləri üzrə Dövlət komitəsinin əməkdaşı Həsən Əliyev iştirak etdilər. Onlar şagirdlərə qarşıladıqları problemlər, qadınlarımızın ailədə və cəmiyyətdə rolu mövzusunda söhbət aparıb müzakirələr etdilər.
Tədbirdə şəhid Mehdi Feyzullazadənin anası Elvira xanım da iştirak edirdi. Şəhid anası çıxış edərək şagirdlərə, müəllimlərə belə görüş təşkil etdikləri üçün öz təşşəkürünü bildirdi.
Sonda məktəbin direktoru bir daha xanımları təbrik etdi və şəhid anası Elvira xanıma tədbirdə iştirakına, Mehdi kimi oğul yetişdirdiyinə görə öz təşəkkürünü bildirdi.
