"1 mart Ümumdünya Mülki Müdafiə Günü"nə həsr olunmuş tədbir keçirildi
1 Mart 2022-ci ildə məktəbin 5"B" sinif rəhbəri Pərvanə Məsimova təşkilatçılığı ilə maarifləndirici tədbir keçirildi. İlk öncə sinif rəhbəri "Uşaqların təhlükəsizliyini təmin etmək zəruridir" mövzusunda yığcam məruzə ilə çıxış etdi. Qeyd olundu ki, əhalinin, o cümlədən məktəblilərin müxtəlif təbii fəlakətlərdə və hərbi şəraitdə mühafizəsi çox önəmlidir. Bəşəriyyətin hələ də qarşısında aciz qaldığı bəzi təbii və texnogen xarakterli fövqəlada hadisələrdə şagirdlərin şəxsi mühafizə bacarığı kiçik yaşlardan formalaşdırılmalıdır.
Tədbirdə əyani vəsaitlərdən istifadə edilərək fövqəlada hallarda mənfi nəticələrin qarşısının alınmasını əks etdirən vəziyyətlər nümayiş olundu.
Sonda əhalinin fövqəlada vəziyyətlərdə düzgün davranış qaydalarını əks etdirən videoçarx nümayiş olundu.
