"Ana dilim-Mənim dilim" mövzusunda sinif təşkilat saatı keçirildi.
Məktəbin illik fəaliyyət planına uyğun olaraq 1 "A" sinfinin rəhbəri Sevinc Məmmədova "Ana dilim-Mənim dilim" mövzusunda sinif təşkilat saatı keçiridi. Sinif rəhbəri bildirdi ki, milləti başqalarından fərqləndirən mühüm amillərdən başlıcası onun dilidir. Azərbaycan dili özünə məxsusluğu, gözəlliyi, dolğunluğu şirinliyi ilə başqa dillərdən seçilir.
Məqsəd şagirdlərdə doğma dilimizə qarşı sevgi və rəğbət hissini gücləndirmək, onu mükəmməl şəkildə öyrənməyin vacibliyini göstərməkdir. Daha sonra şagirdlər Ana dilimizə aid şeirlər, musiqilər və səhnəciklər təqdim etdilər.
