Ana dili və ədəbiyyat aylığı çərçivəsində tədbirlərimiz davam edir
Ana dili və ədəbiyyat aylığı çərçivəsində “Poeziyanın elmə, elmin poeziyaya keçidi” adlı yeni məktəbdaxili layihəyə start verildi. Layihənin məqsədi müxtəlif fənn müəllimləri arasında elmi əməkdaşlığın genişləndirilməsi, təcrübə mübadiləsinin aparılması, şagirdlərin elmə marağının artırılması, texniki, təbiət və humanitar elmlər arasında əlaqələrin gücləndirilməsidir. Layihəyə deviz olaraq seçilən Eynşteynə məxsus “Elmi təfəkkürdə həmişə poeziya elementi olur” fikrini əldə əsas tutaraq müxtəlif fənn birləşmələri arasında iş bölgüsü aparıldı. Riyaziyyat fənn birləşməsinə “Poeziyanın riyazi ifadəsi”, fizika fənn birləşməsinə “Fizika və lirika”, kimya – biologiya fənn birləşməsinə “Təbiətin poetikası” adlı təqdimatlar hazırlamaq təklif olundu. Qeyd olundu ki, bilavasitə müəllimlərin iştirakı ilə hazırlanacaq təqdimatların nümayişi fevral ayının ikinci yarısına planlaşdırılmışdır.
