“Qəhrəmanlarımızı unutmuruq – Azərbaycanın Milli Qəhrəmanı Əlif Hacıyev “ adlı təşkilat saatı keçirildi
Məktəbimizdə şagirdlərin milli ruhda böyüməsi , vətənə məhəbbət , dəyərlərə sədaqət hissinin formalaşması həm tədris prosesində , həm də dərsdən kənar fəaliyyətdə əsas xətt kimi davam etdirilir. Dəyərlərsiz təhsilin səmərəsiz olduğunu dərk edən pedaqoji heyət müxtəlif layihələr həyata keçirməklə təlim - tərbiyə prosesinin keyfiyyətini yüksəltməyə çalışır. Bu məqsədlə məktəbdəki bütün siniflər Azərbaycanın ərazi bütövlüyü uğrunda canından keçmiş ayrı – ayrı şəhidlərin adını daşıyır. Həm sinif rəhbərlərinin , həm də fənn müəllimlərinin bilavasitə nəzarəti və təşkilatçılığı ilə şagirdlər həmin şəhidlərin ömür yolları , döyüş fəaliyyəti və yüksək insani keyifiyyətləri ilə yaxından tanış olurlar.
01.02.2022 – ci il tarixdə məktəbin müəllimi Kəminə Zalovanın ədəbiyyat fənnini tədris etdiyi Azərbaycanın Milli Qəhrəmanı Əlif Hacıyevin adını daşıyan 5 “B” sinfində sinif rəhbəri Məsimova Pərvanənin iştirakı ilə “Qəhrəmanlarımızı unutmuruq – Azərbaycanın Milli Qəhrəmanı Əlif Hacıyev “ adlı təşkilat saatı keçirildi.
Dərs saatı ərzində müəllimlər şagirdlərə Əlif Hacıyev kimi vətənpərvər şəxsiyyətlərdən nümunə götürməyin vacibliyini vurğuladılar. Daha sonra Əlif Hacıyevin həyatına və döyüş yoluna həsr edilən film nümayiş etdirildi.
Təşkilat saatında həm də Əntiqə Əliyeva müəllimənin Azərbaycan dili fənnini tədris etdiyi 6 “A” sinfindən tədris proqramına daxil edilmiş “Əlif Hacıyev” mövzusu ilə bağlı təqdimatlar hazırlayan bir neçə şagird sinfə dəvət edildi və onların təqdimatları dinlənildi.
