20 Yanvar qəhrəmanlıq salnaməsidir
Azərbaycan Respublikası Təhsil Nazirliyinin 13.01.2021-ci il tarixli F-14 li, BŞTİ-nin 14.01.2022-ci il tarixli F-07 nömrəli əmrlərinə və məktəbin fəaliyyət planına uyğun olaraq 20 Yanvar faciəsinin 32-ci ildönümü ilə bağlı "20 yanvar qəhrəmanlıq səlnaməsidir " adlı tədbir keçirildi. Tədbir himnlə başladı. Tədbir iştirakçıları şagirdlərin hazırladıqları 20 Yanvar hadisələrini əks etdirən rəsm və əl işlərindən ibarət sərgiyə baxdılar. Sonra həmin gecə baş verən kütləvi qırğın, xalqımızın milli azadlıq düşüncəsinin qarşısını almağa yönlənmiş terror aksiyası ilə bağlı slayd nümayiş olundu.
İbtidai sinif müəllimləri Fatma Qafarova, Leyla Orucəliyeva və Rəna Abdullayevanın rəhbərliyi ilə hazırlanmış kompozisiya təqdim olundu. Müəllimlərdən Rahilə Novruzlu və Sevinc Məmmədovanın hazırladıqları 20 Yanvar şəhidləri - 44 günlük müharibənin şəhidləri" adlı kompozisiyası iştirakçıları kövrəltdi. 20 Yanvar müstəqilliyə gedən yolda ən şərəfli gün olduğu vurğulandı. Tədbirdə məktəbin direktoru Nisə Fərəcova, təlim-tərbiyə işləri üzrə direktor müavini Günel İsmayılova, direktor müavini Səfa Orucəliyev, UBR rəhbəri Mədinə İskəndərova, kitabxana müdiri Aytən Məmmədova, müəllimlər, valideynlər iştirak etdilər.
