20 yanvar faciəsinin 32-ci ildönümü
Məktəbin fəaliyyət planına uyğun olaraq 5 “B” sinif şagirdləri ilə 20 yanvar faciəsinin 32-ci ildönümü ilə bağlı tədbir keçirildi. Məqsəd torpaqlarımızın azadlığı uğrunda canlarından keçmiş 20 yanvar şəhidlərini yad etmək idi. Əvvəlcə məktəbin tarix müəllimi Zərxanım Zülfüqarova çıxış edərək qeyd etdi ki,tariximizdəki qara səhifələrdən biri 1990-cı il 20 yanvar faciəsidir. Məhz o gün xalqımız bir daha sübut etdi ki, həqiqətən də azadlıq qan bahasına, can bahasına əldə edilir. Azərbaycan tarixində lazım gələrsə gözünü qırpmadan vətən uğrunda canlarından keçən qəhrəman oğullarımız vardır. Sonra şagirdlərə söz verildi.Nilay faciə haqqında ətraflı məlumat verdi, Oruc faciə qurbanlarının bir neçəsinin həyat yolu haqqında,Ňamiq şəhidlərə həsr olunmuş şeir söylədi.Tədbirdə UBR rəhbəri Mədinə İsgəndərova da iştirak etdi.
