31 dekabr "Dünya azərbaycanlılarının həmrəylik günüdür"
Məktəbin fəaliyyət planına uyğun olaraq 5 “B” sinif şagirdləri ilə "31 dekabr dünya azərbaycanlılarının həmrəylik günüdür" mövzusunda dəyirmi masa keçirildi. Məqsəd Ulu öndər Heydər Əliyevin dünya azərbaycanlılarının həmrəyliyi üçün nə qədər işlər gördüyünü şagirdlərin nəzərinə çatdırmaq idi. Məktəbin tarix müəllimi Zərxanım Zülfüqarova çıxış edərək Ulu öndər Heydər Əliyevin bu sahədə təkidlə, ardıcıl yorulmadan gördüyü işlər barədə ətraflı məlumat verdi. Sonra söz şagirdlərə verildi. Rəna bu günün keçirilməsi ilə bağlı geniş məlumat hazırlanmışdı. O qeyd etdi ki, bu günü 1989-cu ildən qeyd edirik. Belə ki,1991-ci ilin 16 dekabrında Naxçıvan Muxtar respublikası ali məclisinin sədri Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq hər il dekabrın 31 ni "Dünya azərbaycanlılarının həmrəylik günü" elan etdi. Bu barədə Naxçıvan Muxtar respublikası ali məclisi 6 bənddən ibarət qərar da qəbul etdi. Hər il bu günü nəinki ölkəmizdə o cümlədən bütün dünyada yaşayan azərbaycanlılar böyük coşqu ilə qeyd edirlər. Bəli, məhz belə bir günün tarixi bir günə çevrilməsi Müstəqil Azərbaycanın qurucusunun Azərbaycan xalqı üçün gördüyü misilsiz xidmətlərdən biridir.
